Hér fyrir neðan má sjá þau námskeið sem kennd voru í Háskóla unga fólksins dagana 10.–12. júní 2026.
Námskeið fyrir Háskóla unga fólksins dagana 14.–16. júní 2027 verða birt í byrjun maí 2027.
Dagskráin er fjölbreytt og gefur þátttakendum kost á að kynnast ólíkum vísindagreinum á skemmtilegan og fræðandi hátt.
Smellið á heiti námskeiðanna til að lesa nánar um þau.
Í Háskóla unga fólksins er hægt að velja á milli 14 fjölbreyttra stundataflna, sem hver um sig inniheldur fjögur námskeið og einn þemadag.
Í boði eru námskeið af öllum fræðasviðum Háskóla Íslands, meðal annars í félagsvísindum, hugvísindum, menntavísindum, heilbrigðisvísindum, verkfræði, raun- og náttúruvísindum og þverfræðilegum greinum.
Fræðafólk og framhaldsnemar við Háskóla Íslands hafa umsjón með flestum námskeiðunum.
Á þessu námskeiði skoðum við helstu skýringar á afbrotahegðun og ræðum hlutverk refsinga, lögreglu og fangelsa í samfélaginu.
Spennandi þemadagur í eðlisfræði sem fer meðal annars fram í Skuggsjá, tilraunastofu fyrir stjarneðlisfræði.
Nemendur fá m.a. að hanna og skjóta eigin vatnseldflaugum og framkvæma tilraunir.
Langar þig að geta bjargað mannslífi? Við förum yfir mikilvæg atriði í endurlífgun og gerum það á skemmtilegan hátt svo engum ætti að leiðast.
Námskeið fyrir krakka sem vilja styrkja sjálfa sig, læra að tjá tilfinningar, sjá hvað aðrir sjá og æfa sig í að tengjast eigin tilfinningum.
Langar þig að prófa að lifa einn mánuð sem fullorðinn? Prófa að fá laun, borga reikninga og taka alls konar ákvarðanir?
Nemendur skyggnast inn í heim fornleifafræðinnar, fá að handleika gripi og komast að því upplýsingar fornleifar geta gefið.
Á þessu námskeiði fá nemendur að kynnast göldrum fornleifafræðinnar, meðal annars í skemmtilegri vettvangsferð á Þjóðminjasafn Íslands.
Við kíkjum „undir húddið" á gervigreindinni og skoðum hvernig hún virkar. Hér þarf bara forvitni, hugsun og smá spilagleði.
Hér skoðum við hvernig gervigreind og gagnavísindi hjálpa okkur að skilja heiminn og svo heimsækjum við líka Vísindagarða og CCP Games!
Finnst þér mannslíkaminn áhugaverður? Á þessum þemadegi fá nemendur innsýn í fjölbreyttan heim heilbrigðisvísinda.
Það er hægt að tala um allt á íslensku táknmáli og líka rappa! Á námskeiðinu lærum við undirstöðuatriðin.
Framkvæmdar verða ýmsar áhugaverðar mælingar og skoðað hvernig líkaminn bregst við æfingum og þjálfun.
Skemmtilegur íþrótta ratleikur um Háskólasvæðið þar sem þátttakendurt takast á við spennandi áskoranir með íþrótta ívafi.
Kennd verða grunnatriði í mandarín kínversku. Við lærum að telja á kínversku og skoðum kínverska menningarheiminn.
Nemendur kynnast því hvernig leikrit verður til með verklegum æfingum sem efla traust, sköpun, sjálfstraust og framkomu á sviði.
Nemendur kynnast ýmsum þáttum lyfjafræðinnar og vinnubrögðum í framleiðslu á lyfjaformum.
Hvað eru lög? Fjallað verður um grunnstoðir lögfræðinnar og hugmyndir okkar um lögin.
Námskeiðið gefur innsýn inn í heim sjúkraþjálfunar og gefur þátttakendum tækifæri til að prófa alls kyns tæki og tól tengt starfi sjúkraþjálfara.
Farið verður yfir þætti í skurðlækningum, bæði almennum skurðlækningum en einnig með áherslu á hjarta- og heilaskurðlækningar.
Þátttakendur fá að þróa eigin hönnun og vinna hana alla leið í afurð á textíl, til dæmis bol, peysu eða taupoka.
Nemendur fá efni til að setja saman sína eigin valslöngvu. Í lokin verður skotkeppni og prófað hvaða valslöngva kastar lengst.
Í stjörnufræði verður m.a. fjallað um risaárekstra og leitina að lífi í alheiminum.
Líflegt námskeið þar sem nemendur tálga í tré, kveikja varðeld, baka brauð. Nota skapandi aðferðir og læra um náttúruna.
Innsýn í framandi menningarheima og undirstöðuatriði í frönsku, kóresku, spænsku og japönsku í sannkölluðu tungumálamaraþoni.